Noddi Gwirfoddolwyr y Mileniwm y tu fewn i sefydliadau

Grantiau ar gyfer partneriaid cyflwyno
Bydd cynllun Gwirfoddolwyr y Mileniwm yn rhoi grantiau gwerth cymaint ag £8,000 i sefydliadau lleol a rhanbarthol sy’n cynnig gwaith gwirfoddol i bobl ifanc er mwyn iddynt gael ennill y dyfarniad.
Er mwyn bod yn gymwys i dderbyn y nawdd hwnnw y mae’n rhaid i chi fod yn sefydliad gwirfoddol neu statudol sy’n gallu cynnig 200 o oriau o waith gwirfoddol i bobl ifanc rhwng 16 a 24 oed.

• Ai sefydliad cyfansoddiadol di-elw ynteu statudol ydych chi?
• Ydych chi eisoes yn rhoi lle i wirfoddolwyr ynteu wedi ystyried gwneud hynny?
• Ellwch chi gynnig 200 o oriau o waith gwirfoddol i berson ifanc dros gyfnod o 12 mis?
• A fedrwch chi gychwyn ar eich prosiect cyn pen mis ar ôl cael grant?

Mae hefyd yn bosibl i sefydliad gael statws partner cyflwyno di-nawdd.

Os hoffech wneud cais am y nawdd hwn cysylltwch â Rachel ym Miwro Gwirfoddolwyr y Fro.

Biwro Gwirfoddolwyr y Fro yw partneriaid cyd-drefnu cynllun Gwirfoddolwyr y Mileniwm ym Mro Morgannwg.  Dylai unrhyw sefydliad sydd am fod yn bartner cyflwyno ar gyfer y cynllun, neu sydd am wybod mwy amdano er mwyn helpu eu gwirfoddolwyr ifainc eu hunain, anfon neges e-bost i Rachel@vvb.org.uk neu gysylltu â Chyngor Gweithredu Gwirfoddol Cymru.